РАДОВИШ ДОКАЖА ДЕКА Е “ГРАД НА СПОРТОТ”

Уште една голема победа на нашиот ракометен клуб. РК Радовиш се поблиску до плејоф завршницата и разигрувањето за шампионската титула и можноста за излез и играње во еврокуповите.

РК РАДОВИШ – РК ПРИЛЕП 29-28 (16-12)

Вечерва во преполната сала во Радовиш беше совладан еден од главните конкуренти РК Прилеп. Одлична и борбена игра на нашите ракометари кои во ниту ниеден момент не дозволија гостите да ја наметнат својата игра. Со ваков амбиент во Срц 25 мај во Радовиш, и беспрекорната организација можат да подзавидат и многу поголеми градови во Македонија.

Со вечерашниот натпревар во храмот на спортот во Радовиш, РК Радовиш докажа дека успесите и спортските подвизи допрва ќе треба да ги очекуваме од нив и од сите други спортски клубови од нашиот град.

Да веруваме дека нашите спортски клубови ќе го остварат зацртаните планови за оваа сезона, а исто така да продолжиме да ги охрабруваме луѓето – иницијатори на овие збиднувања повеќе да се посветуваат и залагаат за Радовиш да го задржи веќе добиениот примат “ГРАД НА СПОРТОТ”.

Пренесува: www.radovisnews.com