РК РАДОВИШ СО ГОЛЕМИ АМБИЦИИ ЗА НАРЕДНАТА НАТПРЕВАРУВАЧКА СЕЗОНА

Ракометниот клуб Радовиш после успешно завршената сезона започнува со подготовките околу наредната натпреварувачка сезона, денес започнаа потпишувањата на договорите со играчите кои ќе го сочинуваат костурот на екипата за наредната сезона, во наредниот период ќе престојат базичните и висинските подготовки со што се очекува екипата да биде максимално подготвена за сезоната што престои.

РК Радовиш со својата млада и амбициозна екипа во изминатата сезона успеа и докажа дека е една од подобрите ракометни екипи во Македонија, меѓутоа РК Радовиш нема да застане тука нејзините амбиции се јасни – учество во Плејоф завршницата и обезбедување место за излез во Европските купови.

Генералениот покровител Општина Радовиш обезбеди средства за полусезоната, а во тек се исто така преговори со други спонзори и покровители кои ќе го помагаат овој клуб.

РК Радовиш ги обнови договорите со првите двајца ракометари кои ќе ги бранат боите на овој клуб во наредната 2014/15 сезона., денес беа склучени договорите со Ивица Илиев (среден бек) и Костадин Петров (пикер), додека во наредните денови се очекува потпишување на договори и соработка со уште 3-4 нови засилувања и дел од домашните играчи.