СВЕЖО ЦВЕЌЕ НА СПОМЕНИКОТ НА ДЕДО ДАНЕ ТРАЈКОВ

Денес беше положено свежо цвеќе на споменикот на дедо Дане Трајков на планината Плачковица.  На ден 07.07. 1944 година во близина на денешното спомен обележје на ѕверски начин од страна на фашистичкиот окупатор беше убиен Дедо Дане Трајков – член на АСНОМ и херој на Плачковица, кој го даде својот живот за да ја спаси партизанската болница во пролетната офанзива.

Свежо цвеќе положија фамилијата на дедо Дане Трајков, делегација и претставници на Општина Радовиш, Здружението на борците од Радовиш и Конче, претставници на Здружението на борците од Штип, делегации на Пензионерите, Здружението за заштита на човековите права, политичката партија Вмро-Дпмне, претставници на Паок Бел Камен и други делегации.

Пред присутните Претседателот на Здружението на борците од Радовиш и Конче имаше кратко обраќање, каде што истакна голема благодарност до Општина Радовиш и Градоначалникот Сашко Николов  кои ја даваат подршката на оваа здружение, им се заблагодари за тековниот проект кој престои за реализација, а се состои во обновување на спомен обележјето во Воиславци и спомен обележјето на дедо Дане Трајков.