ТППЕ РАДОВИШ ВО СИМУЛАЦИЈА НА ПОЖАР И СПРАВУВАЊЕ СО НЕГО

Денес во ООУ Коста Рацин во Подареш се одржа симулација на избувнување на пожар и справување со него, во склоп на програмата и активностите на Планот за заштита и спасување при елементарни непогоди.

 

Оваа симулација беше спроведена од страна на ТППЕ Радовиш, ООУ Коста Рацин од Подареш и Општинскиот противпожарниот сојуз на Радовиш.

 

Учениците од 8, и 9-то оделение од оваа училиште директно беа учесници во симулацијата а целта беше извлекување на учениците од задимени простории при евентуални пожари.

 

Со својата опрема и техника пожарникарите од ТППЕ Радовиш покажаа како би изгледало тоа во реални ситуации, а единствена цел на денешната симулација беше едукација на учениците за стекнување на повеќе искуства за справување со евентуални вакви или слични неприлики.