“НАШИТЕ УЛИЦИ НАШ ИЗБОР” – ГРАДОНАЧАЛНИКОТ НИКОЛОВ ПРЕДВОДНИК НА КОЛОНАТА ОД 200 ВЕЛОСИПЕДИ

Доаѓајки пеш на работа со својата сопруга градоначалникот на општина Радовиш Сашко Николов  активно се вклучи во манифестацијата „Нашите улици наш избор“, покрај тоа што беше покровител на целиот настан градоначалникот Николов беше и активен партиципиент во сите случувања по повод “Светскиот ден на мирот“ и “Европската недела на мобилност“.

Прво оддаде почит на споменикот на паднатите борци, а потоа ја следеше програмата што по повод денешниот ден се одржа на градскиот плоштад.

На крајот градоначалникот Николов ја предводеше  колоната  на повеќе од двеста велосипедисти од Радовиш до манастирот св.Георѓи во село Ораовица каде што беше организиран „Мировно еколошки пикник“.