ФА “ИЊЕВСКИ БИСЕРИ” СО НОВИ НОСИИ – ДОНАЦИЈА ОД ГРАДОНАЧАЛНИКОТ САШКО НИКОЛОВ

Градоначалникот Сашко Николов вчера беше во посета на ново формираниот фолклорен ансамбал “Ињевски бисери” од Ињево каде што присуствуваше на пробата која ја имаа играорците.

Инаку ФА “Ињевски бисери” е ново формиран фолклорен ансамбл кој веќе утре заминува на турнеја во Србија, а за таа цел тие од Градоначалникот Сашко Николов добија нови Источни носии препознатливи за источниот дел од Македонија и Радовишко.

Играорците се претставија со една кореографија на Сплет-Копачка, а исто така му се заблагодарија на Градоначалникот за донацијата во носии.

Градоначалникот Сашко Николов им го честиташе формирањето посакувајки им успех на престојната турнеја и достојно да го претставуваат Радовиш и Република Македонија, а исто така истакна дека Општина Радовиш секогаш ќе дава поддршка за афирмација и негување на фолклорот и македонската традиција.