ЧЛЕНОВИТЕ ОД БОДИБИЛДИНГ КЛУБОТ “МУСКУЛНА УМЕТНОСТ“ НА ПРИЕМ КАЈ ГРАДОНАЧАЛНИКОТ САШКО НИКОЛОВ

Градоначалникот на општина Радовиш Сашко Николов денес оствари средба со членовите од Бодибилдинг и фитнес клубот “Мускулна уметност” од Радовиш, кои учествуваа на државното првенство минатиот викенд во Неготино.

На оваа државно првенство кое беше во организација на Бодибилдинг и фитнес федерацијата на Македонија учествуваа 50 натпреварувачи во 4 категории, а исто така имаше и категории за жени.

Членовите на нашиот Бодибилдинг и фитнес клуб “Мускулна уметност” од Радовиш постигнаа извореден успех во отценувањето: Во “Лесна категорија” 2-ро место освои Иле Марков, во категоријата “Атлета на Македонија” Роберт Гонев исто така го освои 2-то место, а во категоријата “Ветерани” Крсте Тарабунов беше шампион и го освои 1-то место.

Градначалникот Сашко Николов им ги честиташе освоените признанија и им посака што повеќе успеси во наредните претставувања на државно и меѓународно ниво, искажувајки им поддршка за успешно работење и функционирање на овој наш Бодибилдинг и фитнес клуб.