ЈАВНА КОНСУЛТАЦИЈА ЗА ПРОЕКТОТ ИЗГРАДБА НА ПАТОТ РАДОВИШ-ШТИП

Вчера во општинските простории беше одржана јавна консултација за проектот „Изградба и реконструкција на државен пат А4, Штип-Радовиш“

Одговорни службеници од Јавното претпријатие за државни патишта денеска беа присутни во просториите на општина Радовиш и го претставија планот за реализација на патниот правец Штип-Радовиш. Имено, финансирањето на овој проект ќе биде направено со средства од Европската банка за обнова и развој и според нивните барања во делот на социјални аспекти денеска беше одржана ова консултација на која присуствуваа голем број на засегнати граѓани и претставници од локални фирми.

За реализацијата на овој проект целосно е подготвена техничката документација и на почеток е процесот на експропријација за што граѓаните и најмногу се интересираа. Беа објаснети постапките на подготвениот план експропријација и исплата на засегнатите сопственици.