ГЕРАСИМ КОНЗУЛОВ ЈА ПРЕВЗЕМА ФУНКЦИЈАТА ГРАДОНАЧАЛНИК НА ОПШТИНА РАДОВИШ

Денес се изврши чинот на примопредавање на функцијата Градоначалник на Општина Радовиш. Герасим Конзулов официјално е прв човек на Општина Радовиш.

Градоначалникот Герасим Конзулов истакна дека за него е голема чест да се биде Градоначалник на Општина Радовиш, но исто така и голема одговорност, исто така истакна дека сите средства општината ќе ги троши наменски и по строго утврдени приоритети.

Во своето обраќање претходниот Градоначалник Сашко Николов упати честитка до новиот Градоначалник Герасим Конзулов и новите советници. Николов изрази очекување дека ќе продолжи реализацијата на проектите и развојот на општина Радовиш со уште посилно темпо од досега.