ПОД-ПРОЕКТ „ИЗГРАДБА НА НОВ ПАТ ШТО ЌЕ ГИ ПОВРЗУВА ЛОКАЛНИТЕ ЗАЕДНИЦИ КАЛУЃЕРИЦА И ПОДАРЕШ ВО ОПШТИНА РАДОВИШ„
Дата
August 25, 2015
Категорија
ВестиОпштина Радовиш преку Проектот за подобрување на општинските услуги, финансиран со заем од Светска банка, обезбеди финансиски средства за реализација на под-проектот „ Изградба на нов пат што ќе ги поврзува локалните заедници Калуѓерица и Подареш во општина Радовиш„.
Имплементацијата на проектот предвидено е да трае 12 месеци.
Проектот предвидува : Изградба на нов локален пат меѓу две различни локални заедници во општина Радовиш. Изградба на локалниот пат ќе биде изведена на земјениот пат кој ги поврзува локалните заедници Калуѓерица и Подареш и е со вкупна должина од 3,646.03 метри. Изградбата на патот ќе ги содржи следниве активности: Обележување и осигурување на трасата со гео-механички мерења. Покрај обележувањето на трасата е предвидено и чистење на постоечкиот мост за пропуст на дрвја и корени. Се предвидува ископ на горниот дел од патот со постелување на тампон слој, кој ќе биде направен со набивање со вибрации од кршен камен со дебелина од 20 см. Подготовка и стабилизирање на рабови со тампонирање по што ќе следи покривање на патот со асфалт во согласност со проектната документација.
