ПОДОБРУВАЊЕ НА ЕНЕРГЕТСКАТА ЕФИКАСНОСТ ВО ООУ „ОРЦЕ НИКОЛОВ“ ИЊЕВО

 Подобрување на енергетската ефикасност на 10 јавни згради во Југоисточниот плански регион односно во ООУ,,Орце Николов,,-с.Ињево

Преку подготовка на техничка документација за 10 објекти во 10 општини во Југоисточниот плански регион ќе се овозможи објектите кои се изградени пред 30-тина години да се реконструираат во однос на енергетска ефикасност, а со тоа да се овозможи намалување на загубите на енергија и емисиите на стакленички гасови и да се создаде удобен простор за престој и работа.

Денеска во ООУ,,Орце Николов,, се одржа презентација на проектот-подготвената техничка документација за целосна енергетска ефикасност на ова наше основно училиуште.

Многу значајни придобивки ќе имаме при реализацијата на овој проект: намалување на трошоците за електрична енергија, енергетски ефикасните објекти создаваат подобри услови за работа на учениците и наставниците за време на едукативниот процес, намалување на штетните емисии на гасови во воздухот од употребата на фосилни горива, создавање на услови за социјална инклузија на децата со посебни потреби преку поставување на соодветна инфраструктура во објектите, се овозможува развој на човечките капацитети за имплементација на стандарди за енергетска ефикасност и користење на алтернативни извори на енергија.

Проектот се реализира преку Центрот за развој на Југоисточен регион и веѓе е завршен, а е финансиран од ГТЗ РЕД и ДЕУ во Република Македонија.