ЗАВРШИ МАНИФЕСТАЦИЈАТА „САМУН ЕМ ТАТЛИЈА“ ВО РАДОВИШ

Изедени 35 000 самуни за три дена – Досега најмасовно посетена ,,Самун ем татлија“

Одличната организација од страна на општина Радовиш, прекрасната забавна програма и музика кои допринесоа за незаборавна атмосфера, вкусната храна, пријателската дружба и убавото време се нештата кои допринесоа третата по ред Манифестација ,,Самун ем Татлија,, да помине во досега рекордна посетеност на гости од околните градови и целата наша Република. За тоа сведочи и бројот на продадени сомуни и татлија. И годинава сите учесници ги испочитуваа договорените правила и не отстапија од квалиетот на самунот и татлијата.

Одличните Харис Џиновиќ, Каролина, Тамара, Тумбао салса бенд, Уска Кан и другите направија одлична атмосфера, во саботата на концертот на Харис Џиновиќ – колони со возила се упатуваа кон Радовиш.

Во саботата атракција беше „Мега самунот“, потоа натпреварите во најбрзо јадење на самун.

Гостите од збратимените општини и градови Велика Плана, Чока-Србија и Васлуј-Романија беа восхитени и презадоволни од приемот и целокупната организација.

Гостин на манифестацијата беше и претседателот на државата Ѓорги Иванов заедно со неговата сопруга Маја Иванова. Претседателот Иванов претходно го посети и Манастирскиот комплекс Св.Ѓеорги Великомаченик, во с.Ораовица.

,,Задоволен сум што и ова година докажавме дека Радовиш и радовишани знаат и умеат да го направат најдоброто и да го дадат најдоброто од себе кога станува збор за заеднички да го промовираме нашиот град. Докажавме дека го сакаме Радовиш и ќе продолжиме со истото темпо и дух, до градиме мостови кои не зближуваат и сврзуваат, да создаваме дела кои ја оживуваат нашата традиција и во исто време не зближуваат како луѓе и граѓани на нашиот град и држава“-рече градоначалникот Сашко Николов.