ЈАВЕН ПОВИК ЗА ДОСТАВУВАЊЕ НА ИНИЦИЈАТИВИ ЗА ИЗРАБОТКА НА УРБАНИСТИЧКИ ПЛАНОВИ

С О О П Ш Т Е Н И Е

Се известуваат граѓаните и правните лица на територијата на Општина Радовиш, дека се распишува:

Јавен повик за доставување на иницијативи за изработка на Урбанистички планови.

Јавниот повик се распишува согласно на член 21 од Законот за просторно и урбанистичко планирање (Сл.в. на РМ бр.199/2014,42/2015,44/2015,31/16) за период од најмалку 30 дена од објавата за сите заинтересирани физички и правни лица.

• Во период од 31 ден, сите заинтересирани физички и правни лица треба да достават иницијативи за изработка на Урбанистички планови  од   член7, став(1), точка2, алинеи 2, 3 и 4 од Законот за Просторно и Урбанистичко планирање, во електронска  форма преку информацискиот систем е- урбанизам  или во писмена форма.
• Предмет на иницијативите може да биде донесување на нов Урбанистички план или изменување и дополнување на постоечки Урбанистички план или Урбанистичко-планска документација со конкретен предлог од подносителот на иницијативата.
• Јавниот повик ќе трае  31 ден, сметано од објавата во јавно  гласило .
• Јавниот повик ќе биде објавен во Службен гласник на општина Радовиш, на веб  страната  на Општина Радовиш: www.radovis.gov.mk; на огласна табла во општината, во информацискиот систем е-урбанизам и во дневен весник .

  Јавен повик за доставување на иницијативи за изработка на Урбанистички планови  (превземи)