ЈАВЕН ПОВИК ЗА ПРЕДЛОГ ПРОГРАМИ, ПРОЕКТИ И МАНИФЕСТАЦИИ ВО ОБЛАСТА НА КУЛТУРАТА ВО ОПШТИНА РАДОВИШ ЗА 2018 ГОДИНА
Дата
November 29, 2017
Категорија
Вести, Известување, Култура, СоопштенијаЈАВЕН ПОВИК
за предлагање на проекти и манифестации од областа на културата во општина Радовиш за 2018 година
За остварување на јавните потреби од областа на културата, Градоначалникот на општина Радовиш распишува Јавен повик за пројавување интерес со предлагање на програми, проекти, и манифестации од областа на културата од интерес на општина Радовиш за 2018 година.
Сите активности, програми и манифестации од интерес за општина Радовиш, општината ги утврдува со Програма која ги одразува нејзините јавни потреби.
Програмата, која пред се ќе се реализира во соработка со локалните културни и образовни установи како и со здруженија на граѓани и организации кои се бават со дејноста култура, ќе опфати квалитетни, оригинални и разновидни културни содржини кои во непосреден контакт со граѓаните ќе ги задоволат јавните потреби за културата во општина Радовиш.
Општина Радовиш ќе учествува во финансирање на програми, проекти и манифестации од областа на културата од интерес на општина Радовиш согласно законската регулатива а кои се поврзани со :
- унапредување и збогатување на културно-забавниот живот, особено на младите во општина Радовиш и создавање услови за нивно правилно насочување и организирање на нивните слободни активности ;
- поттикнување и подржување на активности за негување на фолклорот, обичаите и вредностите кои се својствени за традицијата на нашето поднебје како и поттикнување на современо творештво со фокус на културните потреби кај младите ;
- организирање на традиционалните културни манифестации со презентирање на културното и нематеријално творештво и афирмирање и одржување на материјалното, духовното и културното наследство ;
- сочувување на културниот идентитет и промовирање и подржување на нови идеи и проекти кои ќе ја афирмираат општина Радовиш како културен центар ;
- проширување и интензивирање на меѓународната културна соработка ;
Пријавувањето на Јавниот повик се врши со доставување на пополнета пријава (Апликација).
(превземи)