ЗАВРШИ ТУРНИРОТ ВО МАЛ ФУДБАЛ „РАДОВИШ 2018“

Под покровителство на општина Радовиш, а во организација на ФК „Бунарџик“ во изминатите две недели се одржа Турнирот во мал фудбал „Радовиш 2018“.

На овој турнир кој се играше во спортскиот комплекс при СОУ „Коста Сусинов“учествуваа 11 екипи, а вчера беа одиграни финалните натпревари.

Во финалето победник беше екипата на Галактик кафе, каде што после регуларните 2-2 против екипата на Слома, до победата дојдоа со изведување на пеналите. Третото место го освои екипата на Сирач, исто така после пеналите дојдоа до победа против екипата на Декортекстил-Конче.

На овој турнир беа доделени и награди за најдобар голман, најдобар играч и најдобар стрелец од овој турнир.

Наградите и признанијата за најдобрите беа доделени од страна на Претседателот на Советот на општина Радовиш Коле Чаракчиев, и Советникот Енис Омеров.