ВО ЈАРГУЛИЦА ОТВОРЕН НОВИОТ “ЦЕНТАР ЗА РАН ДЕТСКИ РАЗВОЈ”

Денес во Јаргулица беше свечено отворен Центарот за ран детски развој во рамките на иницијативата “Првите 5 се најважни на свет„ а во соработка со општина Радовиш, Unicef и Т-мобиле.

Со свечено сечење на лента центарот официјално го пуштија во употреба Градоначалникот на општина Радовиш г-дин. Сашко Николов, г-ѓа. Ража Мсефер Берад, заменик претставник на УНИЦЕФ и г-ѓа. Леа Липша претседател на фондацијата Т-мобиле Македонија.

Благодарение на новиот детски Центар за ран детски развој кој беше отворен денес, децата на возраст од 3 до 6 години од селото Јаргулица сега имаат можност да посетуваат квалитетна предучилишна програма.

Со отварањето на овој Детски центар во Јаргулица покажуваме дека не мора да се инвестира многу пари за да се направи голема промена. Со пренамена на просторијата од училиштето која не се употребуваше, овозможивме најмалите деца од Јаргулица да добијат иста можност како и нивните врсници кои живеат во Радовиш, рече г-дин. Сашко Николов, Градоначалник на општина Радовиш, кој исто така додаде дека во рамките на овој проект ќе се отвори уште еден ваков Детски центар во селото Злеово.