ДЕЧИЊАТА ОД РАДОВИШ ДОБИЈА УШТЕ ЕДНО ДЕТСКО РЕКРЕАТИВНО КАТЧЕ

На свечен чин по повод празникот на градот “6-ти Ноември” – Денот на ослободувањето на Радовиш, на задоволство на најмладите дечиња од Радовиш – беше дадено во употреба новото детско рекреативно катче, кое е во склоп на Детската градинка “Цветови”.
Оваа детско рекреативно катче е заеднички проект на општина Радовиш и Детската установа Ацо Караманов, а дел проектот го помогна и Рудникот Бучим.

 
Општина Радовиш за оваа детско рекреативно катче одвои 1,8 мил./ден. кое што е инвестиција во делот на создавањето на подобри услови за спорт и рекреација на најмладата популација во општина Радовиш. Вакви или слични детски катчиња за брзо време ќе бидат изградени уште десет низ цела општина Радовиш – истакна Градоначалникот на општина Радовиш г-дин. Сашко Николов.